循環

以前其中一樣最討厭嘅事莫過於D人喺公共場所如巴士、公園較音樂鈴聲！

以為宜家無，相反開大聲打機睇戲聽歌。。。

飯局

飯局

今日lunch同事last moment邀請我飯局（全女班），Mable都好想我join但我婉拒了。

無它；少少hard feeling緊有但最大原因我想。。。我會阻住一聚女士暢所欲言；另外可能佢哋覺得我係senior要傾嘢有時無咁方便（其實都啱我，唔鐘意埋堆），咁啱唔想食泰菜，你話我諗多都係咁話。

不過呢件事比我見到Mable大個咗，好considerate. 我為佢感到高興！

爸 / 媽, 你地真係老了...

尋日番工突然收到老媽子電話話老豆入咗院話佢起唔到身;
我已經六神無主, 好擔心, 老豆今年剛適逢退休年齡, 但佢做好引以為傲佢嘅專業,
因為彎腰執嘢整到yuk唔到好唔抵, 仲會打擊佢自信, 最重要係真係好擔心!

馬上做完手上小小嘢就飛車入去, 可幸老豆仲講到嘢, 食到嘢!
但相信唔係幾日就會好得番嗰隻~

身邊嘅老媽子當然係好唠叨, 但老豆無話之餘仲好欣賞老媽子,
話佢其實好緊張, 好上心, 自信主後佢影響身邊好多人, 佢為媽咪感到驕傲!
(我個心同眼水差D流蚊飯)

其實一直以唻唔係老豆單方面照顧媽咪(可能係經濟上啦); 但事實係佢兩個互相照顧!
我覺得自己睇錯咗on某D方面...

宜家希望老豆快D好番, 熱孚, 電療, 消炎藥 (公立醫院唔會亂照MRI unless大小便失禁, 情況轉差??? 而且其中一個女醫生幫老豆睇期間, 講講吓走咗去講電話, 又好粗魯做testing <老豆想慢慢落但佢就Push, 好趕時間咁>)

日記- 儘量Keep每日打少少

男人眼中錫女朋友的5個行為

From Yahoo Article 

1. 教女朋友打機睇波

其實男人的浪漫除了豆腐火腩飯外，就不外乎一齊打機睇波。很多時男士都想自己的女朋友會與自己有共同興趣，要教識你女朋友甚麼叫越位、插水，男朋友少點耐性都不能。不少男士都好期待有一日可以與自己的女友一齊玩LOL、一齊刷陰陽師。幸福可以好簡單，能與自己心愛的人一齊便已經心滿意足。

2. 坦坦白白 有話直說

其實愛你先會對你選擇坦白，不想對你收收埋埋，有所隱瞞。好多女士好很容易會想多了，覺得男人拍拖拍了一段時間便會變得粗聲粗氣，無以前這樣浪漫。其實都是覺得你是我重視的人才對你坦白。

3. 帶自己女朋友出席兄弟聚會

錫自己的女朋友，當然想帶她出席自己的兄弟聚會，帶阿嫂給兄弟過目。有時去大排檔打邊爐或者飲酒，希望可以與自己的兄弟們打成一遍。

4. 會請你食飯睇戲 但不是老奉

其實請女朋友睇戲食飯並不是問題，但不是老奉、必然。好多時候錫你才請你食飯，但好期待女朋友會陪你食m記。（更期望會有AA制的一日，始終男人都是人，也會有糧尾的一日）

5. 取笑你 但都是想哄你笑

好多時男朋友總會為女朋友取很多花名，又會笑下對方「矮得得」、或者「肥嘟嘟」。這些取笑對方的表現都是著緊你，為哄你開心而做的。

16.Dec.16 / 東京老殘遊記

16.Dec.16 / 東京老殘遊記

行程第5日，呢日主要喺富士山做山系夫婦,行程包括河口湖沢,河口湖, 天上公園(能直接拍到富士山), 同埋忍野八海！

富士山 – 出世至今都知道日本人用富士山作為代表日本的精神!所以要認識日本,富士山係必到之地. 對日本人而言，一生中最大的願望就是登上富士山，惟有登過富士山，人生才得以圓滿無憾。

去之前都有做少少功課,都想知點解富士山有咁祟高地位! 它位於日本列島的正中央，標高3776公尺，有「日本肚臍」稱號。事實上，富士山之於大和民族，地位可不只如此，它是日本的第一高峰、國家聖山、宗教信仰之山及日本人的心靈故鄉，神聖崇高不可褻瀆。(另外，它也象徵吉利。日本人深信，只要在元旦清晨夢到富士山，新的一年必定是好年。)

呢一日晨咁早七點三出發, 就係坐預先book好嘅Shuttle(車程要約兩小時)由新宿沢到河口湖沢.天氣比想像中要好,讓這趟旅程更開懷(途經富士急時都想入去挑戰一吓個過山車架).到步後緊係周圍Selfie一下先啦~~~ 

河口湖及車站 – 繼富士山沢後, 河口湖算是富士山第2個主要集合地點了!呢度除咗車站仲係火車站. 自拍完後就出發去最近嘅河口湖. 途經一租單車店(離火車站3-5分鐘路程而已), 心想:旅行單車遊,除咗台灣其他地方都未試過, 於是同老婆租咗一齊郊遊. 落河口湖有單車真係好方便,省咗好多時間,因為一直都係落斜. 

大約過咗10分鍾就到了, 據知圍繞富士山有5個湖,人稱富士五湖,而河口湖應該係5湖中最多人去及最大的. 呢度有得坐鴨仔人力船及觀光船. 四周環境平靜(除咗有大媽團喺附近為這裡增添一點熱鬧&吵鬧). 大口大口嘅呼吸讓人有一種心曠神怡的感覺, “肺”話都少咗, 仲覺得自己仙氣迫人添~~. 不過呢度春天夏天會更靚, 春天有櫻花綻放，夏天還能看到薰衣草。(純講河口湖,因為我專程冬天唻係為富士山) 停留約15分鐘後就轉戰天上公園

天上公園 – 我只係知好多人為咗想遠距離欣賞富士山就會去天上公園,非也! 因為圍繞富士山仲有好多點可以同富士山先生合照架, 我只係選擇咗個低level而又就腳嘅(不過來回都用咗2小時). 自從右腳心術後都無行過山同埋做咁多運動(包括Shopping ). 本來係可以坐覽車,但例行檢查至月底, 所以都係靠自己了… (其實沿途都有唔少人行包括中國, 台灣, 馬拉, 越南及一些老外). 當你上到山頂後,沿途過程幾辛苦都會覺得物有所值, 腦海中一直曾經出現過嘅美女, 靚車, 靚嘢都會被眼前的富士山覆蓋，整個平衡時空就停頓了一樣，已經唔知用乜唻形容，總之。。。就算一個平時無耐性嘅人都會為呢個眼前嘅畫面而停落唻。

轉眼又到落山時候，上山容易落山難,係真真真真真架! (落山係快但滕頭承受壓力好大), 但整體算好行,至少所有路都蓋好.

忍野八海 -忍野八海的「八海」意為八個池塘；八個池塘分別是湧池、濁池、鏡池、銚子池、菖蒲池、底抜池、御釜池、以及出口池 (我當然無去哂咁多個,因為我由天上公園坐公巴唻已經兩個鐘),八個池塘有大有細，呢D池水都是降落喺富士山高地的積雪與雨水，經過長年累月的過濾後累積在地底下的水，所以水質清澈剔透. 忍野八海被選為名水百選，也被認定為天然記念物及新富岳百景之一. 

剛抵步時已經見到另一強國團抵達, 心裡已暗知不妙, 趕緊抄小路行咗對方唔行嘅先!(我唻呢度好明顯唔你開Party同埋想熱鬧過聖誕啦). 到咗第一個御釜池, 嚴格唻講對我呢d有限藝術細胞可能睇唔到好深入, 但係就係呢份寧靜好少有機會喺城市, 令你可以放慢腳步去欣賞及留意平時忽略咗嘅畫面.

(簡略咁講有去咗…

銚子池<自成一角嘅倒影>,

菖蒲池<農村味重嘅池塘>

湧池<第一眼係…你會睇到池塘內係星空;星空內有魚群;抬頭看就係另一副景-人海>

濁池< 最大嘅一塊鏡>

鏡池<名過其實>)

中間仲有個地方係可以將手放入一個小瀑布,聽講放入去待30秒, 隻手會滑一倍呢. 最後就係之前提及嘅最後景點<<人海>>,為忍野八海<忍你唔住呢班死野/八公搞到呢度人山人海>>, 店員都係操流利煌語… 去終結呢個行程~~~ 

#忍野八海

#富士山

#窮遊

（懶得再打，自己睇相啦）

15.dec.16 / 東京老殘遊記

15.dec.16 / 東京老殘遊記

行程第四日，今日嘅順序會主要圍繞橫濱-中華街、紅磚牆、Mark is、FIFA 2016世界冠軍球會盃準決賽！

橫濱-識得橫濱呢個地方都係由橫濱水手呢隊球隊開始，到今次正式踏足呢度，一個沿岸城市，同東京比整個空氣更上一層樓嘅新鮮（係呀，我崇日呀🙄，所謂放個屁都香D）！

呢次好方便，坐副都心線（即我酒店旁）直接坐都屎忽爛（20個站左右但唔使轉車最啱我D懶人），一踏入中華街，就浮出世界各地嘅華人街嘅感覺，呢度其實好多店長都會請中國人工作，或者台灣人（但身上都要貼住支中國國旗咁囉）每次遠離鬧市都總會買到心頭好（成個鄉下仔咁；但我買得嘅緊係潮嘢啦）！不過遊客主要反而係當地人及外國，唯一係我到此一遊下食咗個小籠包及生煎包（看似特別但。。。頂～～～～～泰豐都係好食D)!😏

去到紅磚牆，呢度非常有節日氣氛，四週圍有室內/外攤檔，門口仲擺咗個室外冰場，好想入去玩（時間有限），都同埋有少少德國啤酒節feel, 擺設唔單係聖誕樹、老人，仲有耶蘇出世嘅擺設，好體貼！之後去到Mark is... 老實講都係一個普通大型商場，無行程嘅咪行吓囉（因為佢旁邊仲有一個好大型嘅，我上網搵話Mark is係新咪行囉）😔

最後就係萬眾期待嘅FIFA 2016準決賽；阿美尼亞對皇家馬德里！喺由橫濱去新橫濱中間嘅轉車站菊名我已經感到要窒息，迫地鐵真係「監truelian」個站長為咗關門會喪推你入去再閂門，不過都真係一種體驗，最正係男又好女又好老又好大家都唔會介意嗰種粗暴推撞，要死企喺門口嘅照檔住，要出嘅就死撞出去，完全同平時鞠躬前鞠躬後嘅日本人係180度！

到咗新橫濱，沿途好多人賣皇馬衫、帽、FIFA Products (比較中性、無偏頗）但無人賣阿美尼亞（現實嘅悲哀，其實仲有好多鬼佬喺度賣假嘢，就咁擺地攤，不過擺都好，唔會阻到人，只要唔擋路中心係無人阻止嘅，就算嘢食都係，好多少販檔，好有feel，呢D先叫考慮平民嘛，思歪📢）

入球場前都係無乜特別（有安檢但我順利帶咗膠樽入場✌🏻️。但。。。當你踏入球場一刻就會比場內氣氛鎮住，無論男女你將來有機會都要親身唻睇場波！賽程就唔多講（我講波唔叻但留意到球場內嘅一少角有阿美尼亞Fans，打氣及鼓聲有過之而無不及至全場完，So appreciate their insist and spirit! 

後記：最好笑係完場一刻，頭一批人士（我哋已經算第二批）係不停奔跑，連本來打算只係急步嘅我哋比呢一種環境影響下都跟埋跑（估計趕車，有好多人住得較偏遠啩）但真係好好笑，好似好多喪屍喺後面追咁！😂

（懶得再打，自己睇相啦）

14.dec.16 / 東京老殘遊記

14.dec.16 / 東京老殘遊記

行程第三日，今日嘅順序會係明冶神宮前、原宿、竹下通、池袋！

明冶神宮/原宿/竹下通 - 其實3個地方非常有連繫但又鬼死咁長！繼前一日用咗若干元気，今朝緊係訓番耐D啦（十點先起身）之後緊係醫肚，就去明冶搵食，無意中去到傳說中好食到瀨屎嘅Red Rock牛肉飯，點知未開門，正想週圍行之際，有一對日本人就行咗唻排隊鳥！（即刻好Cheap咁諗，日本人都咁早排定隊《離開門約20分鐘》好；我都等！）最後等咗35分鐘，差D食西北風都飽😵！不過食到個牛肉飯都不枉此行（第一個入時回望；條龍尾已經見唔到）叫咗roast beef and steak; 兩款各有各好味（因為第一款較嫰；第二款較有口感）不得不提，牛肉超多，我只係叫咗regular, 佢仲有加大同埋可以加錢轉黑毛和牛！

跟住係行街時間，繼9年前原宿遊後重回舊地（上一次我同老婆喺度係破產嘅）但呢次除咗D嘢超貴外，仲無乜特別嘢（當然最後點都買到嘢但洗$都仲洗緊面嗰叠🙄）竹下通都係大同小異，可能。。。1）我已經唻過唔再有大驚喜；2）呢度賣嘅冬天嘢香港基本唔會用到；3）同09年比我已經又到咗另一境界！

池袋行 - 你唔係動漫迷的話，到此一遊就罷，因為呢度絕對係毒男宅囡嘅樂園！👏🏻👏🏻👏🏻

有Animate, SEGA機鋪，大大小小嘅貼紙相鋪，到此一遊嘅我都有幫襯架！

（懶得再打，自己睇相啦）