職場...
引用人到中年作者CK在賭一鋪中嘅內容....
團隊內各有所長, 能力不一, 水平也就不一; 走在一起要建立互信著實不易.
人性... 是傾向信任跟自己個性, 背景, 價值觀接近的人, 只是...背景想法接近團隊肯定和諧, 但也必定火花欠奉, 創意不足, 太過互信下也形成沒人會提出質疑, 個個圍爐取暖, 要到爆大鑊才醒覺, 往日的互信著實糖衣毒藥.
但團員太過欠缺互信, 就連爆鑊嘅機會都無. 因為無基礎信任下初創計劃就會胎死腹中... 倘若你有一種"我對某某的能力不信任(不只是質疑)", 工作過後稍有不順, 心裡就會響起"早就知佢搞唔掂", 當心裡響起這句話, 你對隊友的工作便會不自覺出現破壞性了. 修養好可能都仲會吞咗落肚; 但要是你係唔講嘢就唔舒服的人, 你認唔認都好, 字裡行間總會表現出不屑及懷疑, 對事情沒幫助之餘也為他人增添不必要壓力....
有些能力較強隊友, 睇到其他人能力不足, 就會搵其他有能之士出手介入; 例如抽起A同事給其他有能力/經驗同事完成, 為大局著想... 才是管理心員果斷的表現... 看似合理又簡單的方法, 事實又是否真的如此?
經驗說... 如果那不是個不負責任的人, 絕大部分情況下, 只要稍稍提點, 幫他解決一兩個思考上的盲點, 過程也許會驚險一點, 通常最後都能完成任務; 過程也許會驚險一點. 每個人的能力, 都是經歷一次又一次"幾乎搞唔掂"而提升起來的, 而隊員之間的信任, 也是透過多次逃出這些失敗邊緣才能建立. 動不動就抽起他們的工作, 咁...隊員能力就永遠得不到提升, 團隊亦只會越來越分化, 有用的隊員亦會越來越少...
管理人員要冒險去信任同事能夠完成工作, 或多或少是場賭博, 但會是一個值得的賭局!
